منتديات الملك الفلسطيني

فلـــــــــــــ للابــــد ــــــــــــسطين
 
الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 رائعة عزيز الرسام كلمات اغنية لا يا صديقي للقيصر

اذهب الى الأسفل 
كاتب الموضوعرسالة
الملك
وسام تميز لافضل عضو
وسام تميز لافضل عضو
avatar

عدد الرسائل : 279
العمر : 29
SMS : الحلم شئ مش مشتحيل
والحب اجمل ما في الدنيا
فهل يوجد حب ؟؟؟!
توقيع المنتدى :
تاريخ التسجيل : 24/10/2007

مُساهمةموضوع: رائعة عزيز الرسام كلمات اغنية لا يا صديقي للقيصر   الجمعة أبريل 25, 2008 12:27 am

[ لا يـا صــــــديـقـــي ]

كلمات : الشاعر عزيز الرسام
غناء : المطرب كاظم الساهر


فات الأوان ... لتحذر فات الأوان
شيفيد بعد التحذير ؟
اني عثرت بأول حجر
والعثرة عثرة بنص بير
لتحذر .. لتحذر .. فات الأوان
*
منهم لله الخانوني منهم لله
منهم لله الظلموني منهم لله
منهم لله الغدروني منهم لله
منهم لله الباعوني منهم لله
خلوا دمعي ينزل دم
ولا كأني بني آدم
أعز اثنين يا جرحي
شايلهم وسط روحي
وجهين والعملة وحده
وثوب مقدر عليهم
والشبه نفس الشبه
والغدر مزروع بيهم
يا قلبي لا تستغرب
كلشي تشوف العيون
كلشي بها الزمن جايز
وكل شي ممكن يكون
عدوك يرحم بحالك
وأعز أحبابك يخون
*
تصوروا حبي غباء وطيبتي العميه طريق
فرصة الهم للخيانه مثلوا دور الصديق
اللي كانت أغلى ناسي وي صديقي ترافقتْ
عيني عينيك بالخيانه وبالخجل ما فكرتْ
يا ذنب سويته آني وبالعكس دنياي دارتْ ؟
لأن قلبي نقي وطيب هيكي وياي صارتْ ؟
شراح أسوي بالصور وين أودي الذكرياتْ
وين القى درب ثاني ما الي بيه ذكريات ؟
هيكي يا دنيا البشر بارع بدور الخداع ؟
غامض وما ينحزر وبوجهه أكثر من قناع ؟
*
المن أشكي يا زمن ومنو اليسمع شكوتي
أسكت أحسن يا زمن وبيدي أعالج حالتي
موتي أرحم من غدر اللي سميته صديق
اللي جازاني ابخيانه وترك بأعماقي الحريق
اني متعلم على الهم ومو جديد الهم عليه
بعد ما شافت عيوني من صديقي ومنهه هيه
خلي كل شي يصير بيه
*
تصوروني الناس أغني واني من الداخل مجروح
روحي مثل الطير ترفرف يا رقص الطير المذبوح
الألم .. الحزن .. العذاب .. والجروح
تظلم لو ترحم يا زمن ما عاد يأثر بيه
اذا أغلى الناس خانوا شتعوض انتَ ليه ؟
صدقني ظلمك يا زمن أهون الي من جروحي
عالأقل ظلمك ينسي وميظل يعذب روحي
ضيعتني يا صديقي وظلمتني وجرحتني
وظلمت روحك وروحي وضيعت مني الأمان
إذا انتَ بيه تغدر بعد شيسوي الغريب ؟
صديقي وجرحي منك وآني لجروحك طبيب
*
روح الله اليسامح انا ما عندي سماح
الملح والزاد خنته الوفا وياك راح
أعترف آني خسرتكم وخسرت كل شي بثواني
لكن اللي يعز عليه راح أظل وحدي أعاني
وانتِ ؟ انتِ يا للي كنتِ بعيوني ملاك
قلتِ انا عمري وعيوني فداك
صورتِ الدنيا من غيري أبد متعيشين بيهه
وقلتِ عنهه ظلمه لكن نور وجهك مضويهه
وقلتِ بليالي الشتا عيوني ما تاخذ نوم
أفكر بيك بردان ؟ لو دافي وشابع نوم ؟
كنتِ بالنسبة الي مثل للحب والجمال
وكلمة ما كاتبهه شاعر ولوحة من نسج الخيال
عمري ما شكيت مره ورا هالطيبة خداع
وهيكي العيون البريئة تغدر وتنكر بساع ؟
هاجت الريح بغضبهه وكسرت بلحظه الشراع ..
كل شي راح .. كل شي ضاع .. كل شي ضاع
*
خوفي من خوفي ليكبر خوفي ما فارق الدمعه
وابقى وحدي في الليالي وما أثق بضوا شمعه
المن اشكي ؟ المن احكي ؟ المن ؟
وحكيي بس آني الأسمعه
*
هيه الدنيا شبيهه حتى ترخص دمعك ؟
المن تشكي وتبكي ومن هو اللي يسمعك ؟
انسى جرحك انساه ولا تعاود الذكراه
وبالحسرة والآه ليش تخلص عمرك ؟
كنت عايش عالأمل وكانت أحلامي جميله
وكنت أتفاءل بكل شي والبنيته انهد بليله
ضاقت الدنيا بعيوني وحسيت بنفسي غريب
وقلت يا روحي كافي مابقى للطيب نصيب

لا الدنيا ما تخلى ولا تتخلى عن مجروح
ألف إيد وإيد تنمد وتداوي الالم ويروح
بس آني عثرت بأول حجر والعثرة عثرة بنص بير
وضيعت كل شي بحياتي وسلمت لاسوأ مصير

لا تحزن ..لا تتألم .. لا تندم على اللي يخون
حرام اتعب عيونك والدمعة عليك تهون
صامد بوجه الرياح .. شامخ ابأصعب جراح
إصرخ يا ضمير إصرخ يا ضمير
إصرخ بوجه اللي يظلم .. إصرخ بوجه اللي يخون
إصرخ وصحي المنافق .. إصرخ وصحي المخادع
يا ضمير .. يا ضمير
******************************
الشاعر عزيز الرسام
******************************

تقبلوا تحيــــــــاتي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رائعة عزيز الرسام كلمات اغنية لا يا صديقي للقيصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الملك الفلسطيني :: منتدى الاغاني والافلام :: مملكة كلمات اغنية-
انتقل الى: